1400 vende parkimi në ditë, Rama inspekton hapjen e kantierit të parkimit në QSUT

Kryeministri Edi Rama i shoqëruar nga ministrja e Shëndetësisë Albana Koçiu inspektoi hapje e kantierit të parkimit të madh të Qendrës Spitalore Universitare Nënë Tereza, një hapësirë multifunksionale me 1400 vende parkimi në ditë.

Parkimi do të jetë në dispozicion për familjarët e pacientëve të shtruar, por dhe për studentë, mjekë e bashkëpunëtorë të jashtëm të qendrës, si dhe një hapësirë për helikopterët e urgjencës mbi tarracën e godinës.

“Janë afro 1400 vendparkime, do të ketë vendparkime dhe për personat me aftësi të kufizuar. Ndërkohë që, krahas kësaj do të ofrojë shërbimin e specializuar në tarracën e godinës për helikopterët dhe uljet emergjente. Godina ka një strukturë akomoduese jo vetëm për familjarët e pacientëve por edhe për mjekë e studentë”, tha ministrja Koçiu.

Afati për përfundimin e punimeve në këtë kantier është 18 muaj.