​17 vjet shtet, Kurti: Sot nderojmë të gjithë ata që sakrifikuan për liri

Në 17-vjetorin e shpalljes së pavarësisë së Kosovës, në një mbledhje festive të Qeverisë së Kosovës, kryeministri Albin Kurti tha se “teksa festojmë kujtojmë me krenari rrugëtimin tonë të gjatë”.

“Ne sot nderojmë të gjithë ata të cilët sakrifikuan edhe u flijuan për lirinë tonë. Liria për të cilën kemi sakrifikuar kërkon demokraci që mundëson të dëgjohet zëri i popullit . Demokracia kërkon institucione të sigurta. Republika jonë sot është më e fortë dhe vitale si kurrë me parë sepse forcuam institucionet demokratike dhe kemi ndërtuar institucionet tona që janë në shërbim të qytetarëve. Kemi ndërtuar shtet solidar për qytetarët”, tha Kurti.

Ditën e sotme, ekzekutivi ka organizuar një sërë aktivitetesh përfshirë homazhe e ngjarje kulturore.

17 vite më parë, në Kuvendin e Kosovës u bë shpallja e pavarësisë së Kosovës. Në seancën historike morën pjesë 109 deputetë, nga 120 sosh, të cilët e nënshkruan edhe Deklaratën e Pavarësisë së Kosovës. Në këtë seancë nuk ishin të pranishëm deputetët serbë.

LEXONI GJITHASHTU:

• Urimi i Begajt për Kosovën: Gëzuar Pavarësinë! Nderim për heronjtë e lirisë
• Kosova 17 vjet shtet, Rama: Gëzuar Pavarësinë dhe mbarësi gjithmonë