Urimi i Begajt për Kosovën: Gëzuar Pavarësinë! Nderim për heronjtë e lirisë

Kosova feston këtë të hënë 17-vjetorin e shpalljes së Pavarësisë. Me rastin e këtij përvjetori, Presidenti i Shqipërisë ka shprehur urimet e tij në një postim në rrjete sociale.

“Urime Ditën e Pavarësisë, Kosovë! Nderim përjetë mijëra burrave dhe grave që sakrifikuan për lirinë e pavarësinë! Faleminderit të gjithë miqve e aleatëve tanë që janë krah teje! Gëzuar!” – u shpreh Begaj në një mesazh publik.

Ky 17-vjetor e gjen Kosovën si shtet të njohur nga rreth 117 vende të botës dhe anëtare të organizatave të rëndësishme ndërkombëtare, por ende jashtë Organizatës së Kombeve të Bashkuara dhe Bashkimit Evropian.

Në mbarë vendin janë organizuar aktivitete festive dhe ceremoniale për të shënuar këtë ditë historike për shtetin e Kosovës.

LEXONI GJITHASHTU:

• Kosova 17 vjet shtet, Rama: Gëzuar Pavarësinë dhe mbarësi gjithmonë
• ​17 vjet shtet, Kurti: Sot nderojmë të gjithë ata që sakrifikuan për liri