175 divorce në Sarandë në 2023/ Shkaqet: Arsimi, ekonomia dhe rrjetet sociale

175 çifte ju drejtuan Gjykatës së Shkallës së Parë Sarandë, për zgjidhje martese në 2023-shin. Gjergji Imeraj, avokat shpjegon se thuajse gjysma e atyre që kanë kërkuar të divorcohen janë rezident jashtë kufijve

“Duke analizuar vitin 2023 në Sarandë  janë regjistruar mbi 175 kërkesa, për zgjidhe martese dhe mbi 20 kërkesa penale për dhunë në familje. Përsa i përket dhunës në familje ndodh në persona që janë rezident në qytet. Sa i përket zgjidhjes së martesës pjesa më e madhe e këtyre kërkesave vijë 40 -50% nga emigracioni në Greqi apo vende të tjera. Kurse pjesa tjetër janë familje që janë rezident në këtë rreth gjyqësor”, Gjergji Imeraj.

Përpos dhunës, shkaqet e tjera  janë  kushtet sociale dhe ekonomike.

“Arsyet kanë të bëjnë me arsimimin e tyre, ka të bëje me gjendjen ekonomike , sociale , me mënyrën e jetesës. Janë të moshave të ndryshme, të moshave të reja , në përgjithësi me fëmijë të mitur.”

Përdorimi i rrjeteve sociale është një shkak që përbën 20-30% të kërkesave për zgjidhjen e martesave,

“Dhe sidomos te moshat e reja është shumë e theksuar përdorimi i rrjeteve sociale, duke i përdorur në mënyrë të pakuptimtë. Pra, ka 20-30% (kërkesa divorci) , që arsyeja është përdorimi i rrjeteve sociale fshehurazi nga njëri-tjetri.”

Vitet e fundit numri i divorceve në Sarandë, po qëndron thuajse në të njëjtat shifra.

LEXONI GJITHASHTU:

• Dita ndërkombëtare e grave, OKB: Femrat vazhdojnë të përballen me shumë pengesa
• Presidenti Begaj vizitë në Komandën Strategjike të NATO-s për Operacionet