18 javë protesta në Izrael kundër reformës në drejtësi

Dhjetëra mijëra demonstrues u mblodhën në të gjithë Izraelin për javën e 18-të me radhë, duke protestuar ndaj planeve të qeverisë për të riparuar sistemin e drejtësisë.

Ata kundërshtuan propozimet legjislative të pezulluara aktualisht ndërsa negociatat vazhdojnë për të arritur një konsensus të gjerë për reformën, raporton The Times of Israel.

Protesta kryesore u mbajt në rrugën Kaplan në Tel Aviv dhe media vlerësoi se kishte nga 100,000 deri në 180,000 njerëz.

“Duhet të kuptojmë që kërcënimi nuk është hequr dhe është mbi ne, sepse nëse i mbyllim sytë për një moment, ata do të përfitojnë nga rasti”, tha ish-ministrja Tzipi Livni në një fjalim para protestuesve.

Demonstrata u mbajtën gjithashtu në qytete të tjera anembanë vendit dhe disa qindra njerëz demonstruan në Rehovot, një qytet në Izraelin qendror, duke valëvitur flamurin kombëtar dhe duke bllokuar një kryqëzim trafiku.

LEXONI GJITHASHTU:

• Sulm ajror izraelit në Siri, vriten 7 persona
• Qëndroi 86 ditë në grevë urie, palestinezi vdes në burgun e Izraelit