196 viktima nga përmbytjet në Gjermani dhe Belgjikë, 200 të tjerë të zhdukur

Të paktën 196 viktima kanë humbur jetën nga përmbytjet në Gjermani dhe Belgjikë, por bilanci pritet të jetë edhe më tragjik, pasi rreth 200 të tjerë rezultojnë ende të zhdukur. Ndërkohë, të paktën 750 të tjerë kanë mbetur të lënduar.

Qeveritë e dy vende kanë mbajtur 1 minutë heshtje dhe nderime për personat, të cilët humbën jetën gjatë përmbytjeve.

Belgjika nderoi me 1 minutë heshtje 31 viktimat, ndërsa gjatë ditës së sotme flamujt u ulën në gjysmë shtizë.

Mbreti Filip dhe kryeministri belg, Alexander De Croo u takuan me personat e prekur dhe forcat e ndihmës së shpejtë, të cilët ende vijojnë operacionet për të përballuar situatën katastrofike të krijuar nga përmbytjet.

Kancelarja Angela Merkel po ashtu vijon të vizitojë zonat më të prekura të Gjermanisë.

Një ditë më parë ajo premtoi se do përmirësonte sistemin e paralajmërimit të katastrofës në vend, duke kritikuar atë çka ndodhi me përmbytjet e ditëve të fundit.

LEXONI GJITHASHTU:

• Sërish përmbytje në Gjermani, Merkel viziton zonat e dëmtuara
• Më shumë se 160 viktima nga përmbytjet në Gjermani dhe Belgjikë
• 120 të vdekur nga përmbytjet masive në Evropë, shumica në Gjermani e Belgjikë