Deputeti Luan Baçi paraqitet në SPAK, zbardhet arsyeja

Deputeti i Partisë Demokratike Luan Baçi është paraqitur këtë të premte në Prokurorinë e Posaçme.

Burime bëjnë me dije se Baçi është thirrur në organin e akuzës pas një kallëzimi ndaj tij për fshehje pasurie.

Burime bëjnë me dije se Baçi është thirrur në organin e akuzës pas një kallëzimi ndaj tij për fshehje pasurie.

Në një prononcim të shkurtër për media Baçi pas daljes nga SPAK, deputeti tha se ishte thirrur për një çështje që është tashmë hetuar për fshehje pasurie.

“Shkova për një çështje që ishte mbyllur njëherë, u rikallëzova. U rikallëzova dhe një herë nga i njëjti person për fshehje pasurie, është hetuar dhe nuk jam i shqetësuar. Unë u paraqita për një kallëzim që është pushuar si çështje, kaq e thjeshtë për t’u kuptuar. Ndaj meje është bërë një kallëzim që është pushuar si çështje. Gjithsesi, unë përsëri iu përgjigja, por edhe SPAK, si të vëmendshëm që janë, po ashtu për të bërë qejfin qytetarëve, kushdo qofshin ata që vijnë dhe kallëzojnë, edhe kur ka mjeranë të tillë që nuk dinë të bëjnë punë tjetër, veçse bëjnë kallëzime të tilla thjesht për të bërë ndonjë lajm. Unë përsëri u paraqita,” tha deputeti për gazetarët.

LEXONI GJITHASHTU:

• Saimir Tahiri paraqitet në Prokurorinë e Posaçme, zbardhet arsyeja
• Policia “rrethon” universitetin e Elbasanit, hetohen disa pedagogë