Moti i keq, bashkia e Fushë-Arrëzit shpall gjendjen e jashtëzakonshme

Bashkia Fushë-Arrëz ka shpallur gjendjen e jashtëzakonshme për shkak të reshjeve të dendura të dëborës që kanë përfshirë zonën ditën e sotme.

Përmes një postimi në faqen e vet në Facebook, kryebashkiaku Hil Curri deklaroi se Ekipi i Emergjencave Civile të bashkisë po punon me të gjithë sektorët për përballimin e situatës.

“Bashkia Fushë-Arrëz ka shpallur gjendjen e jashtëzakonshme për shkak të reshjeve të denduara të bores, Ekipi i Emergjencave Civile të bashkisë po punon me të gjithë sektorët për përballimin e situatës. Bashkia Fushë-Arrëz do të bëjë të pamundurën për të ju gjendur pranë banoreve me të gjithëve Njësitë Administrative, Iballe, Blerim, Fierze, Qafë-Mali. Po koordinojmë punën me Emergjencat Civile Kombëtare për të përballuar situatën”, shkruan Curri në Facebook.

LEXONI GJITHASHTU:

• I gjithë qarku Korçë përfshihet nga bora, 10 borëpastruese në terren
• Borë dhe rrebeshe, moti i keq përfshin vendin, probleme me qarkullimin