2 në 3 shqiptarë mendojnë se inceneratorët janë aferë korruptive

Shqiptarët mendojnë në shumicë se koncesioni i inceneratorëve është një aferë korruptive.

64,3% e të anketuarve në Barometrin e Euronews Albania janë përgjigjur se kemi të bëjmë me abuzim me pushtetin dhe korrupsion.

Një në pesë shqiptarë (19,4%) mendon se është shkelur ligji në dhënien e koncesioneve, por që opozita i ekzagjeron shkeljet.

Edhe vetë votuesit e Partisë Socialiste në zgjedhjet e fundit mendojnë se inceneratorët janë abuzim me pushtetin.

Thuajse gjysma e tyre (45%) mendojnë se ka pasur korrupsion, ndërsa më shumë se 74% janë të bindur se në këto koncesione ka shkelje të ligjit.

Gjetjet e Barometrit në Euronews janë të anketës së kryer në datat 13-24 janar me 1000 intervista ballë për ballë në familje.

LEXONI GJITHASHTU:

• Inceneratorët do të jenë prova për drejtësinë e re
• Nëse provohet korrupsioni tek inceneratorët, qeveria duhet të japë dorëheqjen