2 të vdekur dhe disa të zhdukur nga përmbytjet në veri të Italisë

Dy persona kanë humbur jetën dhe disa rezultojnë të zhdukur nga përmbytjet në veri të Italisë, njoftoi shërbimi zjarrfikës.

Një person ka humbur jetën nga përmbytjet pranë Vicenzës në veri të Italisë dhe një person rezulton i humbur, ndërsa një nëntëdhjetë e dy vjeçar është mbytur pranë Torinos, po në veri të vendit.

Në Luginën Aosta, një rajon malor në veriperëndim të Italisë, 6400 banorë mbetën pa energji elektrike për shkak të erërave të forta dhe reshjeve, raportoi ANSA.

Shkencëtarët thonë se ndryshimi i klimës shkaktohet nga emetimet e gazeve serrë dhe se Italia është vendi i pestë më i prekur nga ndryshimet klimatike nga viti 1993 deri në vitin 2022, pas Republikës Domenikane, Kinës, Hondurasit dhe Mianmarit.

LEXONI GJITHASHTU:

• Të paktën 20 persona humbën jetën nga përmbytjet dhe tornadot në SHBA
• Përmbytje në Greqi, shqiptari nga Mykonos: Uji ka ndërhyrë në banesat e familjeve