2200 simpatizantë të PD në Elbasan drejt Tiranës për protestën e opozitës

2200 protestues nga Elbasani pritet t’i bashkohen protestës së sotme.

Pjesa më e madhe e protestuesve janë organizuar me makina private ndërkohë që u janë vënë në dispozicion edhe autobusë atyre që s’kanë mundësinë e transportit.

4 autobusë janë vënë në dispozicion në qytet dhe të paktën në 9 nga 12 njësitë administrative të bashkisë Elbasan gjithashtu janë vënë në dispozicion autobusë.

Opozita organizon sot protestën e katërt, në atë që e ka paralajmëruar prej kohësh se do të jetë një “stinë” protestash kundër qeverisë.

Mbi 1500 efektivë policie do të jenë në terren për të siguruar mbarëvajtjen e kësaj proteste. Në ndihmë të efektivëve të policisë do të vihen edhe efektivë të forcave Speciale RENEA, si Forcat e Ndërhyrjes së Shpejtë, për të menaxhuar turmën e protestueseve në rast të një skenari të dhunshëm.

LEXONI GJITHASHTU:

• Protesta e opozitës, nis blindimi i dyerve të Kryeministrisë
• Protesta, 1500 policë në terren, në ndihmë të tyre RENEA e FNSH. Rrugët e bllokuara