2500 protestues nisen nga Elbasani, 24 autobusë në dispozicion

2500 protestues pritet që të nisen vetëm nga Bashkia Elbasan dhe njësitë administrative të saj.

24 autobusë kanë vënë në dispozicion Partia Demokratike e degës Elbasan ndërkohë që një pjesë e madhe e atyre që kanë konfirmuar pjesëmarrjen do të shkojnë me automjete private.

Rreth 1600 protestues të qarkut të Korçës do i bashkohen protestës së sotme të thirrur nga kryetari i Partisë Demokratike, Sali Berisha.

Sipas informacioneve të marra nga kryetarët e degëve të PD-së në qark në lidhje me organizimin dhe nisjen e protestuesve nga rrethet, nga Korça do të nisen mbi 400 protestues, të cilët do të jenë të organizuar në 4 autobusë dhe makina private.

Ndërsa, nga dega e PD Vlorë, nisja drejt protestës do të bëhet me makina private. Rreth 200 makina do të nisen sot deri në orët e mesditës, teksa rreth 800 protestues nga Vlora do t’i bashkohen protestës në Tiranë.

LEXONI GJITHASHTU:

• FOTO| Afron ora e protestës, policia me maska kundra gaz
• Ilir Meta kujton protestën e 2017-tës: Ne nuk duam që vendi të braktiset