“28 kg kanabis u sekuestrua”, policia deklaratë për velierën e djegur në Adriatik

Policia ka dhënë një deklaratë zyrtare për velierën që u gjet e djegur në detin Adriatik e cila vinte nga Mali i Zi.

Operacioni ndërkombëtar anti-drogë i zhvilluar nga policia shqiptare dhe SPAK në bashkëpunim me Guardia di Finanza-n u finalizua me arrestimin e 6 shtetasve shqiptarë e të huaj.

28 kilogramë kanabis në afërsi të vendit ku u dogj veliera janë sekuestruar. U sekuestruan gjithashtu 2 armë zjarri dhe 200 fishekë luftarak, një makinë tip “Audi”, 4 aparatë për ruajtjen e pamjeve filmike, 45 mijë euro, 2 milionë e 500 mijë lekë, 500 paund, 50 franga, 2 mijë lira dhe 25 celularë.

Gjatë deklaratës për shtyp policia bëri me dije se vijon puna deri në dokumentimin e plotë të ngjarjes.

LEXONI GJITHASHTU:

• Prezantohet gastronomia e Durrësit në ‘Tavernën e Adriatikut’  
• Gruri ukrainas në Kroaci, drithërat do kalojnë përmes Danubit dhe Adriatikut