29-vjeçarja në Vlorë dhunohet nga babai, vëllai dhe i fejuari

Një 29-vjeçare është dhunuar në qytetin e Vlorës, nga babai, vëllai dhe i fejuari i saj. Ngjarja ka ndodhur në ambientet e banesës ku jetonte e reja, ndërkohë që policia e qytetit bregdetar bën me dije se ngjarja ka ndodhur për motive të dobëta.

Uniformat blu kanë arrestuar shtetasin A. B., 60 vjeç, i cili është babai i 29-vjeçare, vëllanë e saj 26-vjeçar, me inicialet E.B., dhe të fejuarin 34-vjeçar, shtetasin me inicialet A.J.

Gjatë kontrollit në banesën e babait policia sekuestroi në cilësinë e provës materiale 1 armë gjahu dhe një sasi municioni luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

“Shërbimet e Komisariatit të Policisë Vlorë, pas marrjes së njoftimit se një 29-vjeçare ishte dhunuar nga familjarët e saj, për motive të dobëta, në banesë, kanë ndërhyrë menjëherë për parandalimin e përshkallëzimit të dhunës.

Si rezultat, shërbimet e Policisë kanë kapur dhe arrestuar shtetasit: A. B., 60 vjeç (babai), E. B., 26 vjeç (vëllai) dhe A. J., 34 vjeç (i fejuari). Nga veprimet hetimore dyshohet se për motive të dobëta, këta shtetas kanë ushtruar dhunë fizike ndaj 29-vjeçares, e cila është në kujdesin e mjekëve, jashtë rrezikut për jetën.

Gjatë kontrollit në banesën e shtetasit A. B., Policia gjeti dhe sekuestroi 1 armë gjahu dhe municion luftarak”, thuhet në njoftimin e policisë.

LEXONI GJITHASHTU:

• Dhunohet një oficer i krimit ekonomik të drejtorisë vendore në Korçë, detajet e para
• Arrestohen aktivistët, shkatërruan trashëgiminë botërore të UNESCO