Ish-ministri i Mbrojtjes së Shqipërisë, Fatmir Mediu, ka zbuluar disa detaje rreth teknologjisë së prodhimit të armëve që ka pasur vendi ynë dhe të asaj ç’ka ka mbetur sot.

Në emisionin “Now me Erla Mëhillin” në Euronews Albania, Mediu tha se Shqipëria ka pasur tre uzina kryesore të prodhimit të armëve, lëndëve plasëse dhe municionit, të cilat sot sipas tij, janë kthyer në fabrika demontimi.

Ai tha gjithashtu se në Poliçan ditët e sotme janë dy pasjisje franko-zvicerane për prodhimin e fishekëve, por që sipas tij, nuk janë vendosur asnjëherë në punë.

“Shqipëria për herë të fundit ka tentuar të prodhojë fishekë apo edhe kallashnikovë në 2006-2007 me kërkesë të partnerëve tanë, e cila funksionoi për një periudhë të shkurtër kohore. Por nuk e ka teknologjinë. Në Shqipëri ka teknologji kinese dhe ruse.

Me sa kam unë dijeni janë dy pajisje për prodhimin e fishekëve në Poliçan që janë franko-zvicerane, por që nuk janë vendosur asnjëherë në punë. Unë dëgjova Peleshin që tha ne duhet ta rivitalizojmë industrinë ushtarake, por kjo lloj kërkese e Zelenskyt është një kërkesë për emergjencë që nuk përputhet me mundësitë që ka Shqipëria. Pastaj çmund të bëjë më pas Shqipëria, kjo është një çështje tjetër.

Kanë qenë tre fabrika, ajo e prodhimit të fishekëve në Poliçan, të armëve apo kallashnikovëve në Gramsh dhe në Mjekëz ajo e prodhimit të lëndëve plasëse. Këto u kthyen më tepër për demontimin dhe shkatërrimin e armëve dhe sot në dijeninë timë nuk ka më dijeninë timë sot teknologji për armët. Nga demontimi para Gërdecit ka pasur 100 viktima të tjera po ju sdini gjë”, tha Mediu.

LEXONI GJITHASHTU:

• Durda: Mediu, fajtori i Gërdecit, dha urdhrin që të silleshin armët në fabrikë
• Shpërthim në fabrikën e armëve në Bullgari, 3 viktima