3-vjetori i anëtarësimit të Maqedonisë së Veriut në NATO, synim integrimi në union
Maqedonia e Veriut shënon tre vjetorin e anëtarësimit në NATO. Me ceremoni solemne dhe prani të kreut më të lartë shtetëror e korit diplomatik, u vlerësua lartë pjesëmarrja në aleancën më të fuqishme ushtarake në botë për këto vite duke marrë pjesë në misione të ndryshme ushtarake si dhe sakrifica për të çuar para shtetin duke marrë vendime të rënda për zgjidhje kontestesh.
“27 Marsi është dita kur Maqedonia e Veriut vulosi të ardhmen e saj të sigurisë. Ky përvjetor nuk është vetëm një kujtim i momentit kur flamuri maqedonas u shpalos para selisë së NATO-s në Bruksel, por një moment në të cilin ne pushuam së qeni një pikë në axhendën e sigurisë dhe u bëmë pjesë e tryezës që krijon agjendën botërore të sigurisë”, -tha kryeministri Dimitar Kovaçevski
Sipas ministres së mbrojtjes Sllavjanka Petrovska, Maqedonia e Veriut ka fituar shumë me anëtarësimin në NATO në shumë aspekte por më e rëndësishmja është se i ka garantuar kufijtë dhe sigurinë nga faktorë të huaj që duan ta destabilizojnë.
“Jemi krah shteteve më të fuqishme ndërsa i themi Jo luftës, Jo vuajtjes, Jo viktimave të pafajshme. Kemi marrë vendime për të ndihmuar shtetin sovran Ukrainën për tu mbrojtur nga agresioni i jashtëm dhe këtë e kemi bërë që të ndihmojmë popullin që dëshiron ta mbrojë sovranitetin e tij”, -tha Sllavjanka Petrovska, Ministre e Mbrojtjes së Maqedonisë së Veriut
Maqedonia e Veriut u bë anëtare e NATO-së më 27 mars të vitit 2020, pasi kishte zgjidhur kontestin për emrin e shtetit me Greqinë dhe ishte emërtuar Maqedonia e Veriut. Ushtaret e Maqedonisë së Veriut marrin pjesë në misione në Letoni, në Rumani, në Bullgari, në misionet në Kosovë, në Irak, në Bosnje dhe Hercegovinë, Liban, dhe në Republikën e Afrikës Qendrore.
LEXONI GJITHASHTU:
Kryefaqja
Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
Aktivisti Goci: Një agjent nuk del me fytyrë të kërkojë dorëheqjen e kryeministrit
“Rama jepe dorëheqjen”, protestuesit marshojnë dhe ndalen para Parlamentit në Tiranë
- 07:59 Rama publikon mesazhin e mbështetësit: Dorëhiqu Kryeministër se e bëre Shqipërinë të njohur ndërkombtarisht
- 22:32 Moti i keq, aksident në hyrje të tunelit të Skërficës
- 22:28 Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
- 22:25 “5 kërkesat nuk mjaftojnë për Shqipërinë e Re”, Manjani: Nuk është zgjidhje, jep dorëheqjen ti të vij unë
- 22:12 “PD të mos flasë në emër të protestës”, Malaj: Partitë politike janë të fundit që duhet të flasin
- 21:58 Rrufeja shkakton zjarr në Dropull, era e fortë rrëzon pemë dhe bllokon rrugën