Shqipëria dhe Polonia përballen mbrëmjen e sotme në Varshavë, në sfidën që shenjon nisjen e rrugëtimit të kuqezinvje drejt Europianit të 2024-ës që zhvillohet në Gjermani.
Të besuarit e Silvinjos u kanë dhënë fund përgatitjeve, ndërsa madje ditën e diel zhvilluan dhe konferencën zyrtare për shtyp.
Grupi i Shqipërisë është i plotë, teksa i gatshëm është dhe sulmuesi Myrto Uzuni, që po shkëlqen me Granadën në Spanjë. Statistikat janë i vetmi problem, teksa historia favorizon Poloninë.
13 herë janë ndeshur me njëra-tjetrën këto dy skuadra, ku polakët numërojnë 13 fitore, 3 barazime dhe 1 fitore për kuqezinjtë. I vetmi sukses për Shqipërinë daton në vitin 1953, në miqësoren e fituar 2-0.
Përballja e fundit është ajo e 2021 që i përket kualifikueseve për botërorin e Katarit, ku të dyja ndeshjet u fituan nga Polonia 4-1 dhe 0-1. Sa i përket formacionit, në portë pritet të vendoset Strakosha, në mbrojtje Balliu, Kumbulla, Mihaj dhe Hysaj, në mesfushë Laçi, Ramadani dhe Asllani, ndërkohë sa i përket sulmit Asani, Uzuni dhe Cikalleshi.
LEXONI GJITHASHTU: