30% makinave nuk e kalojnë kontrollin teknik, dalin nga tregu 2000 mjete

Gjatë 3 muajve të parë të vitit, i janë nënshtruar kontrollit Teknik, 60 mijë makina. Nga këto, më shumë se 17 mijë kanë ngelur, çka ngre shqetësime për gjendjen e mjeteve që qarkullojnë në vend.

Drejtoria e Përgjithshme e Shërbimeve të Transportit rrugor ka publikuar të dhënat për periudhën janar- mars 2025 në lidhje me shërbimin e kontrollit teknik të mjeteve. Gjatë kësaj periudhe janë testuar 60.200 mjete, nga të cilat 88% përbëhen ishin mjete private 4+1 dhe furgonë.

Sipas shifrave të publikuara nga DPSHTRR, 29% e mjeteve kanë ngelur në testim, duke ngritur shqetësime mbi gjendjen teknike të automjeteve në qarkullim. Kryesisht, arsyet e ngeljes lidhen me mangësi vizuale dhe funksionale, probleme me sistemin e shkarkimit të gazrave dhe defekte në sistemin e drejtimit dhe frenimit.

Një tjetër element është dhe mosha e mjeteve në qarkullim. Gjatë këtij tremujori, 1900 mjete me moshë mesatare 22-vjeçare janë çregjistruar përgjithmonë.

Statistikat tregojnë se pjesa më e madhe e kontrolleve 36% janë kryer pikat e kontrollit Teknik të rajonit Tiranë, duke reflektuar dhe pasqyruar fluksin më të lartë dhe përqendrimin më të madh të mjeteve në kryeqytet.

LEXONI GJITHASHTU:

• Kina paralajmëron MB: Trajtoni me drejtësi pronarët e British Steel
• Pas aksidentit që shkaktoi me dy automjete, drejtuesi godet postobllokun e policisë