Dy shpërthime me tritol u regjistruan rreth orës 22 e 30 të mbrëmjes së të martës në Lushnje e më pas në Fushë-Krujë.
Në të dy rastet lënda plasëse u hodh në oborret e banesave por fatmirësisht pa dëme në njerëz.
Gjatë 10 muajve të parë të këtij viti janë shënuar 30 raste të shpërthimeve me eksplozivë, ku në shënjestër kanë qenë banesa, biznese, automjete por edhe jetë njerëzish.
Rasti më i rëndë mbetet vrasja e Aleksandër Sadikaj më 11 qershor, makina e të cilit shpërtheu në lëvizje, ngjarje e cila ka mbetur e pazbardhur.
Vetëm në Tiranë gjatë këtij viti janë shënuar 12 raste të shpërthimeve me tritol, i fundit pak ditë më parë ku një sasi eksplozivi hodhi në erë një dyqan kozmetike.
Fati deshi që nga shpërthimi i fuqishëm të shpëtojnë fatmirësisht një çift kalimtarësh të rastit ndërsa pas Tiranës, qytetet problematike rezultojnë Shkodra dhe Vlora.
Në 4 raste në shënjestër kanë qenë edhe banesat ose automjetet e punonjësve të policisë.
LEXONI GJITHASHTU:
- Emigrantët shqiptarë, Rama: Gati për të punuar më afër me Mbretërinë e Bashkuar
- Petro Koçi: Dritan Leli nuk u ftua që të merrte pjesë në fushatën e PS-së
- Lija e majmunit mbetet emergjencё shёndetёsore botërore
