“32 vite dhe flasim për dosjet”, Qafoku: Dokumentet duheshin publikuar që në ’90

Gazetari Roland Qafoku është i mendimit se pas 32 viteve nuk duhet folur ende për dosjet.

Në një intervistë për Euronews Albania ai u shpreh se dokumentet duheshin bërë publike që në vitet ’90.

“Është shumë ironike që pas 32 vitesh Shqipëria vazhdon të diskutojë dhe miraton ligje për lustracionin. Praktikisht sot politika shqiptare, ata që ishin në funksione të larta që prekeshin nga ligje të ndryshme që janë miratuar deri tani në  këto 32 vjet nuk jetojnë më. Atëherë ky ligj nuk ka shqiptar që nuk e kupton që është bërë për Ilir Metën,” – deklaroi Qafoku.

Sipas gazetarit nuk shkon të bësh një ligj për një person të vetëm. Ai tha se sa herë janë marrë nisma për lustracionin është bërë me një qëllim politik.

LEXONI GJITHASHTU:

• ‘Ky ligj nuk i hap dosjet’, Shehu: Lë dokumentet në dorë të anëtarëve të Autoritetit
• ‘Shqipëria s’është ndarë nga e shkuara’, Kulla: Pse nuk e bëri PD ligjin e dosjeve?
• Ngjela: Ligjin e dosjeve nuk e votuan ata që e kanë frikë