36 vite pas ndarjes nga jeta, një muze për Lasgush Poradecin 

36 vite pas vdekjes së tij, poeti i mirënjohur pogradecar Lasgush Poradeci, nuk ka një muze të dedikuar në qytetin e tij të lindjes, prej nga të cilit ka marrë edhe pseudonimin.

Sot dashamirësit dhe vizitorët e qytetit buzë liqenit, nuk kanë një vend për t’u njohur me figurën e tij.

“Duhet hap pas hapi të grumbullojë gjithë dëshmitë që lidhen me këtë njeri te famshëm. E para sa jemi në kohë të mblidhen dëshmi, fakte, objekte, intervistohen persona nga pozita e qëllimtë që më vonë të jenë arsenal për muzeun. Sepse mund të bëhet muzeu por nuk ke asgjë për të. Është momenti që ne tentativën për të krijuar këtë muze, që i mungon gjithë Shqipërisë, jo vetëm Pogradecit,” – u shpreh Anastas Kostandini.

“Emri i Lasgush Poradecit është emri i një njeriu i cili ka rëndësi të madhe për letrat shqipe kështu që e meriton një shtëpi. Rrjedhën e jetës kulturore është shtruar kjo çështje, ishte një përpjekje fillestare në kohën e komunizmit, ajo nismë ngeli e pakryer për shkak të rënies së regjimit e sot e me tepër është detyrë qytetare, jam shprehur në prani të njerëzve të tjerë, të botës së politikës, mendoj shtëpia e Lasgushit duhet të rindërtohet, të ketë një muze të tijin dhe kthehet në vatër të dijes, të arkivimit të jetës së tij,” – tha pedagogu, Neli Naço.

Ndërkohë, një qytetar që e ka njohur nga afër lirikun e madh, shpreh rezerva për këtë harresë.

“Unë ju them këtë politikanëve të çdo marke e çdo krahu, boll me përralla, me pragmatizmin tuaj qe i shfrytëzoni njerëzit, mendoni që jeni të vdekshëm, e deri sa jeni të tillë, duhet t’i respektoni të vdekurit e mëdhenj. Sepse mallkimi i harresës do tu ndjekë edhe ju, por më një ndjenjë neverie, do të kujtoheni me neveri,” – u shpreh Budjon Xhelo.

Të pyetur nga Euronews, nënkryetari i bashkisë Paskalin Ziko, ka bërë me dije se pushteti vendor ka një projekt për shtëpinë muze të poetit të njohur brenda lagjes muzeale ku u lind e u rrit Llazar Gusho.

“Është një nga projektet më priroriate të bashkisë Pogradec, projekti është përfunduar në bashkëpunim me studiot, është siguruar financimi, është në procedurë për konsulence. Është pjesë e një projekti të madh për rijetezimin e lagjes historike ku brenda është dhe shtepia muze e Lasgush Poradecit. Do jetë një muze për poetin, e vizitueshme për turistët vendas e të huaj, e hapur për të gjithë,” – tha Ziko.

Shtëpia e Lasgush Poradecit ndodhet në lagjen “Toplec”, një nga lagjet më të vjetra të qytetit liqenor.

LEXONI GJITHASHTU:

• Miku i Lasgush Poradecit zbulon vargun që trembi regjimin: Na la testament Kosovën
• “I mbeten Shqipërisë edhe pas 1000 vitesh”, Samsuri: Lasgush Poradeci zor bënte foto