Miku i Lasgush Poradecit zbulon vargun që trembi regjimin: Na la testament Kosovën

I ftuar në emisionin Real People në Euronews Albania ishte i ftuar këtë të shtunë Vaso Samsuri, një ish-mësues letërsie e njëkohësisht mik i Lasgush Poradecit.

Në rrëfimin e tij Samsuri tha se Lasgushi ishte “i padëshiruar” në diktaturë, sepse ai i prishte punë regjimit në marrëdhëniet me Jugosllavinë për shkak të pikëpamjeve për Kosovën.

Duke cituar poetin, ai thotë se Lasgushi i la testament Shqiperisë, Kosovën, vetëm me vargun “Drini i zi dhe i përrallshëm, që kalon mes Shqipërisë.”

“Ne jemi thjesht popull dhe flasim për njerëz të papërsëritshëm. Lasgushi është i papërsëritshëm. Lasgushi i prishte punë Shqipërisë socialiste vetëm me vargun Drini plak e i përrallshëm. E thonë gabuar Drini plak dhe i përmallshëm.

“Drini plak e i përrallshëm, po buron nga Shën naumi, mes përmes në Shqipëri”, vetëm me këtë varg thoshte Jokli i madh, Lasgushi i le Shqipërisë me testament Kosovën. Erdhi puna ku pozia u muzikua por u pengua të shfaqej në Durrës për shkak se përmbante shovinizëm”, tha Samsuri.