“I mbeten Shqipërisë edhe pas 1000 vitesh”, Samsuri: Lasgush Poradeci zor bënte foto

Profesor Vaso Samsuri ishte në “Real People” këtë të shtunë dhe komentoi ndër tema të tjera edhe miqësinë e tij me poetin Lasgush Poradeci.

Ai rrëfeu se sa e vështirë ishte të kishe një kujtim në foto me Poradecin pasi ky i fundit nuk pranonte të dilte në foto i papërgatitur.

Siç tregoi dhe profesori, poeti i madh pogradecar mëtonte se fotot e tij do të ruheshin edhe pas 1 mijë vitesh, ndaj imazhi i tij duhet të ishte i kuruar.

“Lasgushi ishte i vështirë në foto sepse ai mendonte që do të ishte për Shqipërinë e 1 mijë viteve të ardhshme prezent dhe ai nuk mund të dilte dosido. Erdhën të huaj që kërkuan një takim me të. Jo tha, duhet të bëhem gati, nuk dal unë sot për sot,” – tregoi Samsuri.

LEXONI GJITHASHTU:

• “Kadare më i madh se Nobel”, Samsuri: Komshinjtë tanë kanë gisht në ndarjen e çmimit
• Ekskluzive/ “Nuk kam asnjë përjetim”, Kadare për shpalljen e ‘Nobelit’ në Letërsi