40 mijë pensione private, shtohen anëtarët me kontribute vullnetare

Në Shqipëri, është rritur interesi për skemat e pensioneve private. Sot numri i anëtareve arrin në 40 mijë, ndërsa vlera e aseteve mbi 7 mld lekë.

Qytetarët kanë rritur interesin për të investuar në skemat e pensioneve private. Në fund të marsit numri i personave që kanë paguar për të marrë një pension nga fondet vullnetare arriti në 39.900, në rritje 4.5% që nga fillimi i këtij viti dhe me 8% krahasuar me të njëjtën periudhë të vitit të kaluar.

Në Shqipëri, kësaj skeme i bashkohen kryesisht punonjësit që punojnë në kompani private, por edhe pse ka më shumë anëtarë nga viti në vit, të dhënat tregojnë se, numri mbetet modest dhe përbën vetëm 3% të të gjithë të punësuarve në vend.

Në vlerë, asetet në fund të muajit mars arritën në pak më shumë se shtatë miliardë lekë, me rritje vjetore 18%.

Sa i takon mbulimi, këtë vit, janë gjashtë fonde të pensioneve private, që administrohen nga katër shoqëri.

LEXONI GJITHASHTU:

• Rritja e pensioneve në RMV, i moshuari: Mund të blejmë 15 bukë më shumë
• Nënshkruhet marrëveshja e pensioneve mes Shqipërisë dhe Italisë