5.5 % e shqiptarëve preken nga fasha 800 kw

Në muajt e fundit të diskutimit publik për krizën energjetike dhe vendosjen e fashës 800 KW, ekspertët kanë qenë skeptik për përqindjen e konsumatorëve që preken nga kjo fashë.

Shumica mendonin se shifra e atyre që preken nga fasha 800 KW ishte shumë herë më e lartë se sa 4-6 % e konsumatorëve që është deklaruar nga qeveria.

Referuar shifrave të faturave të energjisë të deklaruara nga vetë qytetarët e pyetur, gjetjet e Barometrit konfirmojnë se 5.5 % e konsumatorëve familjarë preken nga fasha 800 KW.

Sa i përket kursimit të energjisë elektrike, shqiptarët ndahen pothuajse përgjysmë për mundësitë që kanë për të kursyer. Pyetjes “a keni mundësi të kurseni energji elektrike?”, 51.3 % janë përgjigjur “po”, 46.7 % janë përgjigjur “jo” dhe 2.1 % “nuk e di”.

Përveç kësaj, shumica e atyre që mund të kursejnë energjinë elektrike deklarojnë se kjo nuk mund të shkojë më tepër se 10 % e vlerës së faturës. 24.9 % deklarojnë që nuk mund të kursejnë më shumë se 5 % të faturës, 10 % e tyre nuk mund të kursejnë më shumë se 15 % të faturës.

Vetëm 3.6 % e shqiptarëve mendojnë që mund të kursejnë deri në 20 % dhe 20.6 % e tyre nuk bëjnë dot një llogari të saktë se sa përqind të faturës mund të kursejnë megjithë dëshirën që kanë.

LEXONI GJITHASHTU

• Vetëm 18.3 % e shqiptarëve e dinë sa ka kushtuar fasha me 800 kw
• Të rinjtë nuk dinë si votohet në zgjedhjet lokale, gjetjet e Barometrit
• Shqiptarët të painformuar për mënyrën e përcaktimit të buxhetit dhe taksave