“5 aksidente në 2 orë”, gazetari: Shkak karrotrecët, hedhin vaj në rrugë

Vetëm ditën e sotme janë shënuar në rrugën Pogradec-Qafë Thanë 5 aksidente. Tre prej tyre dyshohet se kanë ndodhur si pasojë e vajit të hedhur në rrugë.

Gazetari i Euronews Albania ka raportuar se në rrugën nacionale Pogradec-Përrenjas kanë ndodhur 5 aksidente brenda 2 orësh.  Sipas tij tre nga këto aksidente dyshohet se janë shkaktuar nga vaji i hedhur në rrugë.

“Deri në këto momente mendohet se shkak mund të ketë qenë shpejtësia e lartë e drejtuesve të automjeteve, apo lagështia, por ajo që është problemi më i madh është vaji në rrugë.

Janë pikërisht drejtuesit e karrotrecave ata të cilët dyshohen jo vetëm nga drejtuesit e automjeteve, por edhe nga policia, që hedhin vaj vazhdimisht në rrugën e Qafë Thanës e cila është një rrugë shumë e vështirë për të ndaluar e për të kontrolluar makinën.

Drejtuesit hasen me vajin në rrugë nga drejtuesit e karrotrecave që të shkaktohen aksidente dhe pastaj drejtuesit t’i marrin në telefon për të kërkuar shërbimin e tyre e kështu të përfitojnë të ardhura”,-tha për Euronews Albania gazetari Xhensil Shkëmbi.

Ai tha gjithashtu se policia nuk ka nisur asnjë hetim për këtë ngjarje.

LEXONI GJITHASHTU:

• Bejko takim me qytetarët e Tufinës: Do iu ndërtojmë këtu një treg ushqimor
• Rikthehet magjia e Ligës së Kompionëve| City kërkon hakmarrjen, Reali me mungesa