5 sfidat kryesore të Samitit të NATO-s në Madrid

Samiti i NATO-s i kësaj jave në Madrid vjen në një moment kritik në historinë 73-vjeçare të Aleancës EuroAtlantike.

Pushtimi rus i Ukrainës është përshkruar si tronditja më e madhe strategjike për Perëndimin që nga sulmet e 11 shtatorit të vitit 2001.

NATO është aleanca e vetme ushtarake e aftë për të mbrojtur Evropën nga agresioni i mëtejshëm rus, por a ka një strategji?

Në prag të samitit Sekretari i Përgjithshëm i NATO-s Jens Stoltenberg njoftoi një ndryshim thelbësor në parandalimin dhe mbrojtjen e aleancës, duke forcuar mbrojtjen në kufijtë lindorë me më shumë se 300.000 trupa.

Aleanca përballet me sfida të shumta, nga lufta hibride, te destabilizimi i Ballkanit, sulmet kibernetike, dhe çfarë duhet bërë me fuqinë ushtarake në rritje të Kinës.

Shkurtimisht 5 janë sfidat kryesore të samitit të NATO-s:

Shmangia e përshkallëzimit të luftës në Ukrainë

30 shtetet anëtare të NATO-s, përfshirë edhe fuqitë bërthamore SHBA, Britani dhe Franca nuk duan të hyjnë në luftë me Rusinë. Sfida më e madhe në muajt e fundit mbetet sesi të ndihmohet Ukraina që të vetëmbrohet përballë sulmit rus.

Samiti i Madridit do të duhet të përcaktojë masën e ndihmës ushtarake që vendet e NATO-s mund të ofrojnë dhe për sa kohë.

Sfida e dytë është ruajtja e unitetit

Nëse Rusia do të kishte sulmuar vetëm Donbasin dhe nuk do të kishte pushtuar të gjithë Ukrainën  atëherë ne nuk do të kishim parë një unitet të tillë . Gjashtë raunde të sanksioneve të BE-së po dëmtojnë seriozisht ekonominë e Rusisë dhe Gjermania ka anuluar Nord Stream 2 . Por ka përçarje në aleancën perëndimore se sa duhet të ndëshkohet Rusia dhe sa mund të preken  ekonomitë perëndimore.

Siguria në shtetet baltike mbetet një tjetër çështje thelbësore

Vendet e Baltikut  kanë potencialin të jenë një pikë e madhe përplasjeje midis NATO-s dhe Rusisë. Estonia, Letonia dhe Lituania ishin dikur – pjesë e Bashkimit Sovjetik. Sot, ata janë kombe të pavarura dhe të gjitha në NATO. Ka katër grupe luftarake shumëkombëshe të stacionuara në këto tre vende. Britania e Madhe kryeson a në Estoni, SHBA- në Poloni, Gjermania në Lituani dhe Kanadaja në Letoni. Megjithatë, NATO e di shumë mirë se ato janë shumë të vogla për të parandaluar një pushtim n të bashkërenduar nga  ushtria e ruse.

Aplikimi i Finlandës dhe Suedisë që kundërshtohet nga Turqia

Në NATO do të diskutohet edhe nëse  do të pranojë më vonë partnerë të rinj sikundër Gjeorgjia apo Moldavia.

Rritja urgjente e shpenzimeve për mbrojtjen

Aktualisht, anëtarët e NATO-s janë të detyruar të shpenzojnë 2% të PBB-së së tyre vjetore për mbrojtje, por jo të gjithë e bëjnë këtë.

Edhe më shqetësuese është se si Rusia ashtu edhe Kina janë përpara Perëndimit në zhvillimin e raketave hipersonike.

Shefat ushtarakë paralajmërojnë se nëse NATO nuk forcon sigurinë e saj tani, atëherë kostoja e agresionit të mëtejshëm rus në të ardhmen do të jetë më e madhe.

LEXONI GJITHASHTU:

• Aplikimi i Finlandës dhe Suedisë në NATO, përpjekje për të bindur Erdogan
• Biden drejt samitit të NATO-s në Spanjë pas takimeve të G7 në Gjermani