51 të vdekur nga përmbytjet në Spanjë, reagon Rama: Të gatshëm të ndihmojmë

Kryeministri Edi Rama ka reaguar për përmbytjet e rënda që kanë përfshirë Spanjën, duke shprehur solidaritetin dhe mbështetjen e tij për popullin dhe autoritetet spanjolle në këto momente të vështira. Në një mesazh në rrjetet sociale, Rama ka dërguar ngushëllime për familjet që kanë humbur të afërmit dhe për ata që po përballen me dëme të mëdha.

“I tronditur thellë nga përmbytjet e rënda që prekën zonat e Valencias, Andaluzisë dhe Murcias në Spanjë, fatkeqësia më e keqe natyrore, duke vrarë të paktën 51 njerëz. Ngushëllimet e mia shkojnë për familjet e viktimave”, shkroi Rama në rrjetin “X”.

Kryeministri shtoi se Shqipëria është pranë Spanjës me solidaritet dhe gatishmëri për të ofruar ndihmë në përballimin e kësaj fatkeqësie natyrore.

“Duke i dërguar forcë dhe solidaritet popullit dhe qeverisë së Spanjës! Ne dëshirojmë që të gjitha komunitetet e prekura të rikuperohen sa më shpejt dhe jemi të gatshëm për të ndihmuar”, tha Rama.

LEXONI GJITHASHTU:

• Rama: Edhe nëse pezullojmë pagat e deputetëve, efekti te pensionet është 30 lekë
• Rama me pensionistët, paralajmëron kompanitë: Do ju qepemi nga pas, si me dritat