570 mijë persona vizituan sitet kulturore gjatë periudhës janar-qershor 2025

Sitet tona kulturore kanë mirëpritur 569.089 vizitorë gjatë periudhës janar-qershor 2025.  Lajmin e bëri me dije Ministri i Ekonomisë, Kulturës dhe Inovacionit, Blendi Gonxhja, ku krahasuar me një vit më parë rritja e vizitorëve llogaritet me 74%.

Rritje ka pasur edhe përsa I përket të ardhurave, ku krahasuar me të njëjtën periudhë të një viti më parë janë shtuar me 119%. 5 destinacionet e preferuara të vizitorëve janë:

• Parku Arkeologjik Butrint, me 105.623 vizitorë;
• Kalaja Gjirokastër, me 92,999 vizitorë;
• Parku Arkeologjik Shkodër, me 79.885 vizitorë;
• Muzeu “Gjergj Kastrioti” Krujë, me 74.636 vizitorë;
• Parku Arkeologjik Apoloni, me 58.059 vizitorë.

Pjesa më e madhe e turistëve duket se preferojnë të vizitojnë parqet arkeologjike, më pas renditen muzetë kombëtarë dhe kalatë e monumentet e tjera të kulturës. Me nisjen e sezonit turistik, oraret e vizitave janë zgjatur deri në orën 19:00 në të gjitha sitet kulturore.

LEXONI GJITHASHTU:

• Rrotullimi magjik “Tanoura”, Egjipti çel javën kulturore në Shqipëri
• Soprano kineze që këndon shqip, nis edicioni i 8-të i MIK Festival në Korçë