6 drejtues të MEK-ut nën hetim, ja akuzat që rëndojnë mbi ta

6 drejtues të MEK-ut janë nën hetim, pasi ditën e djeshme kundërshtuan me dhunë punonjësit e Policisë së Shtetit dhe dëmtuan automjetet e Policisë gjatë një kontrolli që këta të fundit kishin urdhër ta kryenin brenda ambienteve të kampit.

Ka nisur procedimi penal në gjendje të lirë për H.N., 73 vjeç; M.B., 72 vjeç; A.A., 72 vjeç; B.S., 63 vjeç; A.A., 61 vjeç dhe D.F., 70 vjeç. Mbi ta rëndojnë veprat penale “Mosbindja ndaj urdhrit të punonjësit të policisë së rendit publik” , “Kundërshtimi i punonjësit të policisë së rendit publik”, “Shkatërrimi i pronës” dhe “Pengime për ekzekutimin e vendimeve të gjykatës”.

“Si pasojë e kundërshtimeve të dhunshme dhe të vazhdueshme, janë dëmtuar 15 punonjës policie dhe automjete të Policisë së Shtetit. Pavarësisht dhunës së ushtruar ndaj tyre, punonjësit e Policisë janë vetëpërmbajtur deri në ekstrem, duke mos iu përgjigjur proporcionalisht dhunës që po ushtrohej ndaj tyre,” – thuhet në njoftimin e policisë.

LEXONI GJITHASHTU:

• Ish-pjesëtari i muxhahedinëve: MEK-u kryen sulme kibernetike ndaj Iranit
• Zbardhet hetimi i SPAK për banorët e MEK, rreth 150 pajisje të sekuestruara