Zbardhet hetimi i SPAK për banorët e MEK, rreth 150 pajisje të sekuestruara

Burime për Euronews Albania konfirmojnë se kontrolli në kampin Ashraf 3, në Manzë, vjen në kuadër të procedimit me nr 130/2023 të SPAK.

Ky hetim është regjistruar për një sërë veprash penale, ku dyshohet se janë përfshirë anëtarë të komunitetit MEK të strehuar në Shqipëri. Konkretisht:

• Përgjim i paligjshëm i të dhënave kompjuterike
• Ndërhyrje në të dhënat kompjuterike
• Ndërhyrje në sistemet kompjuterike
• Keqpërdorim i pajisjeve

Burime nga Prokuroria e Posaçme bëjnë me dije se rreth 150 pajisje, ndër to njësi kompjuterike, laptop dhe USB që janë sekuestruar priten t’i nënshtrohen një ekspertimi.

Pritet të mësohet nëse në këto pajisje apo nëpërmjet tyre është mbledhur, përdorur, transferuar apo keqpërdorur informacion i enkriptuar apo të dhëna të ndryshme.

LEXONI GJITHASHTU:

• Aksioni në MEK| Provokon gazetari: Rama e bën që ta marrin në telefon ndërkombëtarët
• Ç’ndodhi 2 ditë para futjes së policisë në kampin e MEK? Gazetarja tregon detajet