Ç’ndodhi 2 ditë para futjes së policisë në kampin e MEK? Gazetarja tregon detajet

Një pjesëtar i opozitës iraniane MEK i strehuar në kampin e tyre në Manzë humbi jetën ditën e sotme pas një aksioni të policisë së shtetit në ambiente e kampit.

Gazetarja e Euronews Albania në Durrës, Kloida Gjuzi raportoi në emisionin Now se përkundër zërave se mund të ketë një viktimë të dytë në kamp, nga ajo që kanë parë në terren dhe që është konfirmuar nga policia bëhet fjalë vetëm për një viktimë.

Ajo tregoi se nga burime jozyrtare ka mësuar se dy ditë përpara mësymjes së policisë në kampin e muxhahedinëve, kanë mbërritur në zonë 3 maune me pajise elektronike, kompjuterë dhe serverë.

Drejtori i policisë Muhamet Rrumbullaku tha në një deklaratë për mediat pasditen e së martës se forcat e Policisë së Shtetit u përballën me rezistencën e banorëve të kampit MEK, “rezistencë e pajustifikuar dhe jo proporcionale, në shkelje të rendit ligjor e kushtetues, të cilët tentuan të pengonin me forcë sekuestrimin e serverave e kompjuterëve, objekt i vendimit të Gjykatës.

LEXONI GJITHASHTU:

• Aksioni i policisë ndaj MEK/ Hoxha: Me dijeninë e SHBA, mund të kenë zbuluar 1 spiun
• “MEK aktivitet politik në Shqipëri”, Çuçi: Kanë thyer marrëveshjen me qeverinë