6 mln dollarë kontratë, Peleshi: 2 satelitë për monitorimin e territorit

Ministri i Mbrojtjes, Niko Peleshi, shprehet se sot do të nënshkruhet kontrata e Shërbimit Satelitor në fushën e mbrojtjes dhe sigurisë.

Sipas ministrit, kjo kontratë kap vlerën e 6 mln dollarëve.

“Sot do të nënshkruhet kontrata e Shërbimit Satelitor në fushën e mbrojtjes dhe sigurisë, për monitorimin me teknologji të avancuar të territorit të Shqipërisë. Kjo kontratë ka vlerën 6 mln dollarë. Konsiston në përdorimin ekskluziv të dy satelitëve për një periudhë 3-vjeçare, për monitorimin e territorit dhe zhvillimit të kapaciteteve teknike.

Shqipëria do të ketë akses prioritar dedikuar në dy nga satelitët, që pritet t’i bashkohen flotës të Satellogic, lëshimit të ardhshëm satelitor me Space X, që do të quhet Albania 1 dhe Albania 2. Ky shërbim do u ofrojë institucioneve përfituese marrjen e imazheve  satelitore”, u shpreh Peleshi gjatë konferencës, ku ishte i pranishëm edhe kryeministri Edi Rama.

LEXONI GJITHASHTU:

• Uragani Ian ‘pushton’ SHBA, mbi 2 mln familje pa energji elektrike