690 mijë vizitorë në muze e kala, 46.5% janë turistë të huaj

Institucionet e trashëgimisë kulturore kanë tërhequr vëmendjen e mjaftë vizitorëve. 46,5% e të cilëve janë turistë të huaj. Nëse shqiptarët preferojnë të shkojnë në muze të huajt duan parqet arkeologjike.

Grupe të huajsh që vizitojnë vendin tonë, hasen çdo ditë në kryeqendrën e vendit, Tiranën.

Ata kanë kuriozitet të njohin nga afër jo vetëm Shqipërinë sot, por edhe të shkuarën dhe trashëgiminë tonë kulturore e historike.

Sipas të dhënave të INSTAT në vitin 2022, numërohen rreth 690 mijë vizitorë, prej të cilëve  320.788, janë turistë të huaj që kanë frekuentuar muzeumet, kalatë dhe parqet arekologjike.

Të huajt kanë preferuar në shumicën e rasteve të frekuentojnë parqet arkeologjike. Ata përbëjnë 56,8% të vizitorëve gjithsej.

Ndërkohë që më pak kuriozitet kanë treguar për kalatë, ku të huajt zënë 29,4% të vizitorëve.  

E kur vjen fjala për muze, shohim se më shumë se 50% e vizitorëve janë shqiptarë dhe më pak të huaj.

LEXONI GJITHASHTU:

• Lukashenko e konfirmon: Prigozhin është në Bjellorusi
• Përplasi me motor të miturën, arrestohet 22-vjeçari në Vlorë