7 prej tyre emigrantë, shoferi nga Shkodra! Detaje mbi aksidentin me 8 viktima

Të tjera detaje kanë dalë për aksidentin me 8 viktima të ndodhur në aksin rrugor “Këlcyrë-Përmet”.

Përmes një njoftimi, Policia bën të ditur se aksidenti ka ndodhur rreth orës 04:00 të mëngjesit të sotëm, në afërsi të fshatit Kuqar.

Si pasojë e humbjes së kontrollit mbi drejtimin e automjetit, “Benzi” ka dalë nga rruga dhe ka rënë në anë të lumit Vjosë.

7 prej viktimave dyshohet se janë nga vendet e treta dhe viktima tjetër, drejtuesi i automjetit nga Shkodra.

Ndërkohë grupi hetimor po punon për zbardhjen e plotë të rrethanave të ngjarjes.

Njoftimi i Policisë:

Këlcyrë- Rreth orës 04:00, në aksin rrugor Këlcyrë- Përmet, në afërsi të fshatit Kuqar, dyshohet se si pasojë e humbjes së kontrollit mbi drejtimin e automjetit nga drejtuesi, automjeti tip Benz  ka dalë nga rruga dhe ka rënë në anë të lumit Vjosë.

Si pasojë e daljes nga rruga  kanë humbur jetën 8 shtetas.( 7 shtetas dyshohet se janë  nga vendet e treta dhe drejtuesi i automjetit nga Shkodra)

Në vendngjarje ndodhet grupi hetimor i cili nën drejtimin e Prokurorit punon për sqarimin e rrethanave dhe shkakut të aksidentit.

Gjithashtu në vendngjarje ndodhen Drejtori Vendor i Policisë, Drejtori i Departamentit për Kufirin, Drejtori i Policisë Rrugore dhe Drejtori i Rendit Publik.

Po në vendngjarje ndodhen dhe dy grupe të Forcës Kombëtare të Sigurisë.

Në përfundim të veprimeve të para do ketë njoftim më të detajuar.

LEXONI GJITHASHTU:

• Aksidentohet autobusi në Afrikën e Jugut, 45 të vdekur! Mbijeton vetëm një 8-vjeçar
• Aksident në Velipojë, makina përplas për vdekje 77-vjeçarin me biçikletë