700 arka kanabis, 8 thasë me boçe| Çfarë u gjet brenda serës në Berat

700 arka me kanabis dhe 8 thasë me boçe kanabisi me peshë 870 kilogramë janë sekuestruar në serën në Berat.

Policia e Shtetit dha një deklaratë lidhur me operacionin duke sqaruar se dispononte informacion për serën që përdorej për prodhim dhe trafikim lëndësh narkotike.

Shërbimet e policisë arrestuan në flagrancë 11 persona që dyshohen si organizatorë. Pronari është një 36-vjeçar, ndërsa gratë që paketonin produktin po hetohen për të kuptuar rolin e tyre në organizatë. Ato ishin kryesisht nga zonat periferike të Tiranës.

Mësohet se sera është në pronësi të shtetasit Xhimi Dyli. Të arrestuarit janë me inicialet: E. Xh., 30 vjeç, B. Xh., 42 vjeç, S. L., 22 vjeç, J. U., 23 vjeç, M. D., 24 vjeç, S. B., 27 vjeç, B. M., 48 vjeç dhe E. M., 20 vjeç, D. M., 43 vjeçe dhe I. M., 25 vjeçe.

2 pistoleta dhe një kallashnikov, në pronësi të të arrestuarve B. Xh., H. D. dhe J. U., 4 makina dhe shumë aparate celularë u sekuestruan përveç lëndës narkotike.

Hetimet po vijojnë, ndërkohë që është ngritur një grup i posaçëm hetimor.

LEXONI GJITHASHTU:

• VIDEO | Asgjësohet kanabisi në fermën në Berat
• EMRI| Zbulohet pronari i fermës me kanabis në Berat, në të ishin strehuar mbi 50 gra
• Detaje të reja nga ferma e kanabisit në Berat, shkon në 105 numri i të shoqëruarve