8 të ndaluar për koncesionin e sterilizimit, në GJKKO seanca për masat e sigurisë

Që prej orës 9 të mëngjesit të së premtes në GJKKO po mbahet seanca për 8 të ndaluarit për koncesionin e sterilizimit.

Gazetari i Euronews Albania, Eni Ferhati bën me dije se seanca po zhvillohet me dyer të mbyllura.

Këtë të enjte janë lëshuar gjithsej 8 urdhër arreste me vendim gjykate për zyrtarë të Ministrisë së Shëndetësisë, përfshirë këtu dhe ish-zv. ministrin. Ndalimet janë bërë lidhur me dosjen e sterilizimit të instrumenteve kirurgjikalë për të cilën SPAK ka hetuar prej më shumë se tre vite.

Denoncimi asokohe është bërë nga “Nisma Thurje”.

Të arrestuar:

• Klodian Rrjepaj – ish-zv. ministër i Shëndetësisë
• Ilir Rrapaj – biznesmen

Arrest shtëpie:

• Saimir Kadiu – drejtor ekonomik
• Marseka Serjanaj – drejtoreshë juridike

Detyrim paraqitje:

• Arben Gjata
• Pertef Mersini
• Genc Burazeri
• Naile Ajazi

Akuzat që rëndojnë mbi ta janë falsifikim dhe shpërdorim detyre. Ndërkohë mbi biznesmenin Ilir Rrapaj rëndon akuza e mashtrimit.

LEXONI GJITHASHTU:

• Spahiu: Dosja e sterilizimit u çua në SPAK nga Thurja, jo opozita
• Konçensioni i sterilizimit, mjeku: I panevojshëm, rriti kostot e operacioneve