Shkencëtarët kinezë kanë zbuluar 8 viruse të panjohur më parë në një ishull tropikal. Ekipi paralajmëroi se ka një shans të lartë që patogjenët të infektojnë njerëzit, nëse ata do të hidheshin nga kafshët te njerëzit.

Një nga viruset e reja vjen nga e njëjta familje virusesh si Covid-19, i cili ka shkaktuar vdekjen e pothuajse 7 milionë njerëzve në mbarë botën që nga viti 2019.

Epidemologu Taulant Muka në një intervistë për emisionin “Good Morning Albanians” në Euronews Albania, ai theksoi se pas daljes së Covid-19 ende ka një debat të madh publik se koronavirusi doli nga dora e njeriut.

Më tej ai theksoi se nga ana shkencore thuhet ndryshe, ndërsa shtoi se ky debat do të zgjasë për dekada me radhë.

“Pjesa e daljes së virusit ende vazhdon të jetë një debat i madh publik , pavarësisht se sot pranohet zhvillimi natyral i virusit ka dhe evidencë shkencore që mund të jetë dhe për shkak të përpunimeve gjenetike të virusit. Ky debat do të zhvillohet për dekada të tëra”-tha ai.

LEXONI GJITHASHTU:

• 33-vjeçarja me 7 fëmijë: Mos bëni 1 apo 2 fëmijë, por shtoni familjen
• Ukraina thotë se ka rrëzuar 12 dronë të Rusisë