Agron Shehaj braktis Kuvendin Kombëtar të PD-së

Ndërsa drejtuesit politikë po mbajnë fjalën në Kuvendin Kombëtar të Partisë Demokratike, Agron Shehaj ka braktisur punimet pasi kryetari Lulzim Basha përfundoi fjalën e tij.

Në mbledhjen e Kuvendit Kombëtar mungoi kreu i Këshillit Kombëtar Bujar Nishani si dhe ish-kandidatja në garë për postin e kryetarit të PD, Edith Harxhi.

Ish-kandidati tjetër demokrat Fatbardh Kadilli ishte i pranishëm në mbledhjen e Kuvendit Kombëtar ku u votuan ndryshimet në statutin e partisë.

Gjatë fjalës së tij, Basha foli për ata që sipas tij kanë vepruar kundër partisë për interesa personale të përkohshme.

“Dora ime do të mbetet përherë e shtrirë nëse doni t’i bashkoheni aksionit tonë dhe t’i ktheheni vlerave tona, por kurrë më nuk do të kthej faqen tjetër ndaj gjithë atyre që sakrificat e demokratëve i shpërdorojnë për inate personale apo për përfitime të përkohshme,” – deklaroi kryedemokrati.

Ndërkaq, vu re mungesa e kreut të Këshillit Kombëtar të PD-së, Bujar Nishani.

Në Kuvendin Kombëtar të Partisë Demokratike pritet të zgjidhen anëtarët e Këshillit Kombëtar si dhe janë votuar ndryshimet në statutin e partisë.

LEXONI GJITHASHTU: 

• Nis punimet Kuvendi Kombëtar i PD, Basha: Shqipëria u plaçkit në kohën e COVID
• “Masakra e 25 prillit, krim”, Basha: Beteja vijon në parlament
• Kuvendi Kombëtar i PD-së, demokratët do të zgjedhin 300 anëtarët e Këshillit Kombëtar