Dita Ndërkombëtare e Autizmit, 1 në 56 fëmijë në botë është i diagnostikuar me çrregullim të spektrit autik

Sot më 2 prill shënohet Dita Ndërkombëtare e Ndërgjegjësimit për Autizmin ku rikujtohen të drejtat e personave me çrregullim të spektrit të autizmit. Në botë shifrat janë në rritje. Nga 1 në 100 fëmijë që ka qenë më parë, sot çrregullimet e spektrit autik prek 1 në 54 fëmijë.

Në Shqipëri vështirësia më e madhe e familjeve që kanë fëmijë me çrregullim të spektrit të autizmit është vazhdimi i ndjekjes se terapisë në qendra të kujdesit të tyre pas moshës së pubertetit dhe deri në një moshë madhore.

Zbulimi në një moshë të hershme të autizmit mund të përmirësojë aftësitë e të mësuarit, komunikimit, ndërveprimit social të fëmijës. Analiza e sjelljes së aplikuar (ABA) dhe terapitë bazuar në parimet e saj, përdoren më shpesh për t’i ardhur në ndihmë fëmijëve me çrregullim të spektrit të autizmit.