Policia hap 500 vende të reja për Patrullë të Përgjithshme

Policia e Shtetit njoftoi të mërkurën përmes një njoftimi në Facebook se janë hapur 500 vende të reja për Patrullë të Përgjithshme.

“Procesi i aplikimit është i hapur deri në datën 16 tetor 2021,” – thuhej në njoftim ndërsa ishte bashkangjitur dhe një adresë për plotësimin e formularit online.

1.9% e 500 kursantëve që do të pranohen janë pjesë e minoriteteve.

Në përfundim të gjithë procesit të konkurrimit, 500 kursantët fitues do të ndjekin studimet në Kolegjin Profesional të Lartë “Kolegji i Policisë” për “Patrullë të Përgjithshme”, në Akademinë e Sigurisë.

Kriteret, që duhet të përmbushë aplikanti, për të ndjekur studimet në Shkollën Bazë të Policisë për “Patrullë të Përgjithshme” janë:

• të jetë shtetas shqiptar
• të ketë mbaruar arsimin e mesëm dhe të jetë i moshës deri në 30 vjeç
• të jetë me gjatësi jo më pak se 170 cm për meshkujt dhe jo më pak se 160 cm për femrat
• të mos jetë i përjashtuar nga Policia e Shtetit, strukturat e tjera të sigurisë kombëtare apo të jetë larguar nga shërbimi civil
• të ketë zotësi të plotë për të vepruar
• të jetë në gjendje të mirë shëndetësore dhe i aftë fizikisht për të kryer detyrën
• të mos jetë i dënuar me vendim gjykate të formës së prerë, për kryerjen e një krimi apo për kryerjen e një kundërvajtjeje penale me dashje
• të ketë dëshmi të aftësisë së drejtimit të automjetit të tipit B
• të jetë pajisur me vërtetimin e besueshmërisë (procedurë që kryhet në fazën e verifikimit përfundimtar)

LEXONI GJITHASHTU:

• Policia arreston 24-vjeçarin, qarkullonte me armë me silenciator 
• Në pranga 8 shoferë, 46 patenta të pezulluara nga policia në një ditë
• Policia arreston 31-vjeçarin që vrau ish-gruan, ishte fshehur në pyll