Baton Haxhiu: Berisha synon rikthimin si Nano, por do shkatërrojë vetveten

Analisti Baton Haxhiu thotë se Sali Berisha është i paaftë për të krijuar lëvizje kundër Lulzim Bashës në Partinë Demokratike.

Ai tha se synimi i ish-kryeministrit dhe liderit historik të PD është rimarrja e drejtimit të partisë siç bëri Fatos Nano, por sipas tij do të dështojë.

“Sali Berisha do ta nisë një rikthim të ngjashëm me katarsisin e Fatos Nanos por do të shkatërrojë vetveten duke i marrë me vete karrierën politike të tij si i dështuar, i pafuqishëm dhe i padobishëm për këtë moment”, tha Haxhiu.

Analisti nënvizoi se Berisha “nuk mund të rikthejë një lider të ri në PD as nuk mund të marrë vetë drejtimin e PD”.

Sipas tij “Berisha do ta forcojë Lulzim Bashën pasi “ndërhyn si i marrë fund edhe biologjik dhe politik, ku nuk mund të bindë askënd”.

“Biologjikisht i paaftë dhe politikisht i paqëndrueshëm dhe të pa të ardhme”, u shpreh Baton Haxhiu.