Masivizimi i turizmit shtrenjton jetesën për banorët e Venecias

Pavarësisht se pandemia u bë rutinë dhe një realitet i ashpër, jeta në Venecia vazhdon. Qindra turistë vizitojnë sërish qytetin lagunë dhe u japin shpresë venecianëve se ka një të ardhme. Kur qendra e famshme turistike është rimbushur me artdashës dhe adhurues të karnavaleve, vendasit po e braktisin atë.

Pesë vjet më parë Venecia kishte rreth 67 mijë banorë dhe sot kanë mbetur 50.000 prej tyre. Turizmi masiv e bën jetën në qytet jashtëzakonisht të shtrenjtë për vendasit dhe kjo është një nga arsyet pse Venecia po braktiset.

“Për 4 vjet ne kërkuam një shtëpi në Venecia. Ishte zhgënjyese. Ju nuk kërkoni që ata t’ju japin para, ju nuk doni të shkoni në hënë. Vetëm një shtëpi në qytetin ku keni lindur. Kemi gjetur një apartament në një ishull tjetër, në Murano”, thotë Giovanni De Ponte, ndërtues anijesh.

Shtëpitë në Venecia paguhen më lehtë nëse merren me qira brenda natës. Edhe një ndalesë njëvjeçare në turizëm nuk ka qenë në gjendje ta ndryshojë atë. Sidoqoftë, ekziston një plan i ri: të kufizohet numri i turistëve, me një sistem rezervimesh. Ky plan pritet të prezantohet verën e ardhshme.