Reciprociteti për targat, serbët protestë në afërsi të pikës kufitare të Jarinjës

Një grup protestuesish serbë kanë bllokuar rrugën për në Leposaviç, në afërsi të pikës kufitare të Jarinjës, në shenjë protestë ndaj vendimit të qeverisë së Kosovës për reciprocitetin për targat.

Kjo është dita e dytë e protestës, por sot barrikada e parë është vendosur rreth 4 km larg kufirit.

Ndërkohë qytetarët e tjerë serbë për shkak të barrikadave u duhet të ecin këmbë deri te kufiri.

Në Serbi është duke u zhvilluar mbledhja emergjente e Këshillit të Sigurisë e thirrur nga presidenti Aleksandër Vuçiç pas situatës së krijuar në kufi.

Në fjalimin e djeshëm, Vuçiç tha se situata është shumë serioze dhe se Serbia mund të marrë masa ekonomike dhe politike ndaj Kosovës për veprime të tilla ilegale.

Por, nuk kanë munguar edhe reagimet nga kryeministri Albin Kurti, i cili ka deklaruar se ky vendim është imponuar nga pala serbe.

Ndërsa, presidentja Vjosa Osmani ka thënë se Kosova ka respektuar marrëveshjen e Brukselit dhe se BE duhet të ushtrojë presion mbi Serbinë në lidhje me provokimet e fundit.

LEXONI GJITHASHTU:

• Reagime pas vendimit në Kosovë, Osmani: Ftoj BE-në të ushtrojë presion mbi Serbinë
• Reciprociteti për targat, ministri Sveçla: Situata paraqitet e qetë
• Petar Petkoviç për ‘reciprocitetin e targave’: Populli serb nuk do rrijë i heshtur