“Reagoni, mos hiqni dorë nga liria e medias”, apeli i gazetarëve në Kosovë dhe RMV për kolegët shqiptarë

Gazetarët në Kosovë dhe RMV iu kanë bërë thirrje kolegëve të tyre në Shqipëri që të reagojnë ndaj vendimit të qeverisë për të ngritur Agjencinë e Medias dhe Informimit.

Xhemajl Rexha, kreu i Asociacionit të Gazetarëve në Kosovë u shpreh për Euronews Albania se në Shqipëri duhet të kishte një reagim të jashtëzakonshëm ndaj kësaj strukture dhe se një gjë e tillë nuk do të lejohej kurrsesi në Kosovë.

“Reagim, duhet reagim. Unë ju siguroj që një gjë e tillë nuk do të lejohej në Kosovë. Pra reagimi duhet të ishte i jashtëzakonshëm i medias, i shoqërisë civile, i pranisë ndërkombëtare”, u shpreh ai.

Ndërsa, Filjana Koka, nënkryetare e Shoqatës së Medias në RMV tha se më këtë vendim po cenohet liria e medias.

“Apeloj të gjithë kolegët gazetarë të mos heqin dorë prej luftës që të kenë lirinë e medias në duart e veta”, u shpreh ajo.

LEXONI GJITHASHTU:

• Agjencia për Media, Luçiano Boçi: Polici mediatike, do thërrasim në seancë dëgjimore përfaqësues nga Kryeministria
• ‘Agjencia për Mediat’ synon të kontrollojë informacionin, shpjegon eksperti