Komisionet parlamentare do zhvillohen me prezencë fizike

Deputetët do të diskutojnë ballë për ballë në mbledhjet e komisioneve parlamentare.

Vendimi u mor sot në mbledhjen e Konferencës së Kryetarëve, i cili është organi që diskuton dhe vendos për programin e punës, kalendarin e punimeve të Kuvendit dhe komisioneve.

Deputetët për të marrë pjesë në mbledhjet e komisioneve, duhet të jenë të vaksinuar ose të kenë kryer një test PCR.

Ndërkohë edhe gazetarët mund të marrin pjesë në sallën ku zhvillohen komisionet duke paraqitur certifikatën e vaksinimit ose testin PCR.

Mbledhjet e komisioneve parlamentare me prezencë fizike ishin tema e debatit mes deputetëve të opozitës dhe mazhorancës javën e kaluar.

Fillimisht, me kërkesë të mazhorancës u vendos që mbledhjet të zhvilloheshin online, por kjo u kundërshtua nga deputetët e opozitës.

Këta të fundit e quajtën vendimin anti-kushtetues dhe një tendencë për t’i mbyllur gojën opozitës.

Pas debateve, ishte PS ajo që u tërhoq, duke i propozuar Konferencës së Kryetarëve zhvillimin e mbledhjeve online.

LEXONI GJITHASHTU:

• ‘Deputetët të vaksinuar’, Balla: Do propozojmë që mbledhjet në komisione të mos zhvillohen online, reagon PD
• Opozita këmbëngul tek pjesëmarrja fizike në komisione, akuza mazhorancës për shkelje të rregullores
• Debate tek Komisioni i Ligjeve, deputetëve demokratë nuk u jepet fjala pasi u paraqitën fizikisht