Pedagogia thotë se studentët duhet të respektojnë udhëzimin, i riu: Do të ngre padi

Pedagogia Klodiana Beshku dhe studenti Arjon Kucuku përplasën mendimet në studion e “Mirëmengjes” sa i takon vaksinimit të detyrueshëm para nisjes së vitit akademik.

Beshku tha se nuk ka pse të thyejë rregullat dhe se askush që nuk ka bërë vaksinën nuk do të hyjë në auditor, ndërkohë që Kucuku deklaroi se do të ngrejë padi nëse nuk lejohet të ndjekë orën mësimore.

Sipas studentit hapat ligjor do të ndërmerren në përputhje me diskriminimin, pra nuk ka pse t’i jepet e drejta për arsimim vetëm atyre që kanë marrë dozën e vaksinës anti-COVID.

Nga ana tjetër pedagogia sqaroi se pavarësisht dëshirës për të dhënë mësim me gjithë studentët fizikisht do të ndiqte me rigorozitet protokollin e caktuar.

“Në këto raste nëse secili nga ne do të bënte sipas dëshirës, pra do të kishte hapësirë për interpretim, unë them që kjo do të krijonte kaos. Rregullat prandaj janë vendosur që të dalin mbi kaosin,” – përfundoi Beshku.

LEXONI GJITHASHTU: 

• Manastirliu: Vaksinimi e vetmja mënyrë për të hyrë në auditorë
• Rektori i Universitetit Bujqësor: Gati të shtyjmë nisjen e vitit akademik me qëllim vaksinimin e studentëve
• Mjeku Alimehmeti: Vaksinimi fals anti-COVID në Shqipëri, një fenomen në rritje