PS kërkon zgjatjen e mandatit të organeve të Vetingut me 2 vite e gjysmë

Ditën e sotme, Partia Socialiste ka dorëzuar në Kuvend kërkesën për shtyrjen e afatit të organeve të Vetingut.

Socialistët kërkojnë që zgjatja e mandatit të jetë deri në 31 dhjetor të 2024, pra me 2 vite e gjysmë. Ndërkohë, organeve të Vetingut i përfundon mandati në qershor të vitit 2022.

Në lidhje me këtë çështje pati sot një deklaratë edhe nga kryeministri Edi Rama, i cili u shpreh se zgjatja e Reformës në Drejtësi nuk është diçka për t’u negociuar me opozitën, por duhet të kryhet me patjetër.

Sipas kreut të qeverisë, zgjatja e mandatit të Vetingut është një domosdoshmëri që vjen si rezultat i një procesi që ka treguar sesa i vyer është për largimin e llumit nga sistemi i drejtësisë.

LEXONI GJITHASHTU:

• ‘S’ka kthim mbrapa’, Rama: Reforma në Drejtësi nuk negociohet, qëllim largimi i llumit nga sistemi