Qëllohet me armë mbi zyrat e policisë kufitare dhe doganierëve në Jarinje

Policia e Kosovës bën me dije se në pikë kalimin kufitare Jarinje, në orët e pasdites, një kontejner që shërben për zyrtarët kufitar të policisë kufitare dhe doganierëve të Kosovës të është qëlluar me armë zjarri.

Bazuar në informacionet e para, predha dyshohet se ka ardhur nga drejtimi i fshatit Tusnica i Serbisë. Nuk raportohet për ndonjë person të lënduar, ndërsa prokuroria ka nisur hetimet.

Puna dhe qarkullimi në këtë pikë kalim kufitar të përbashkët e cila gjendet në territorin e Serbisë, sipas marrëveshjes për menaxhim të integruar të kufirit po vazhdon pa problem.