Transport publik në Tiranë, i kufizuar pa afat

Unioni i Transportit publik në Tiranë kërkon heqjen e akcizës dhe uljen e tvsh-së, përndryshe do të vazhdojë të operojë me gjysmën e autobusëve.

Unioni kërkon heqjen e akcizës, indeksimin e çmimit dhe zbritjen e TVSH-së  nga 20% në 6%.

Ata kërkojnë gjithashtu një takim me përfaqësues të Bashkisë për të zgjidhur situatën, e cila ka bllokuar qytetarët të cilët e kanë të domosdoshëm përdorimin e transportit publik në përditshmërine e tyre.

Përgjysmimi i flotës urbane do të vazhdojë pa afat,  deri kur të plotësohen kushtet e kërkuara, thonë përfaqësuesit e Unionit.

Ky vendim, që nga dita e djeshme ka sjellë kaos, radhë në stacione dhe mbipopullim të autobusëve të trafikut urban në kryeqytet.

LEXONI GJITHASHTU:

• Cilësia në transportin publik, eksperti Zeneli: Përgjegjësia bie mbi pushtetin vendor dhe qendror
• Unioni i Transportit Publik: Nga sot do punojmë vetëm me gjysmën e autobusëve
• Shoqata e Transportit paralajmëron rritje të çmimit të biletës, Memaj: S’e përballojmë dot shtrenjtimin e naftës